RELEVATUM Opus

RELEVATUM Opus

Gallis vocatur, toreuma περιφανὴς καὶ ἐκφανὲς, quum imagines totae et apparentes omni ex parte, in vase aliquo apparent. Cuiusmodi erat caper ille in phiala expressus, pro emblemate, apud Satyricum, Sat. 1. v. 75.

Criminibus debent hortos, praetoria, mensas,

Argentum vetus, et stantem extra pocula caprum.

Vulgo en Relief: cui opponitur en bosse, cum argentum caelatur figuris dimidiâ tantum parte exstantibus, quae videl. ita adfixae sunt vasis, ut unum tantum latus ostendant, Graecis πρόςτυπα, Latinis quoque crustae dictae. Utraque signa et sigilla vocat Cicero, Actione 7. in Verr. quae plerumque poculis immittebantur et illigabantur, iterumque revelli ac eximi poterant. Cuiusmodi exstantes figuras, et extra corpus materiei prominentes, sive totas sive dimidiatas, ostendendi ars, Caelatura, dicta est, dequa vide supra. Plura vero hanc in rem apud Salmas. ad Solin. p. 1046. ut et hîc passim.